［長文慎入］
呢個時候，大部分小朋友都出左去玩，我又冇乜mood玩，諗諗下，都係在家做下野啦。所以就剪下布為下年一個展覧裡的百家布做準備。然後覺得，其實做人可以做到甘無聊都幾幸福。
話說我17年畢業，成個18年都冇展覽——基本上我都唔知點樣可以開始有展覽。我同上帝講：唔係呀？我求你畀個展覽我啦！一個都好吖！跟住開始有第一個、第二個......數下今年，其實都做左四個展覽😮話說我做的東西畀人第一個感覺往往是「係咪痴_線架」所以其實可以成真也真要感謝上帝，感謝幫助過我的人。
來年傾緊幾個project，有的比較容易，有的人事上有困難，有的技術上有困難，頭先同專業人士傾完，佢話：我唔係想打擊你，但實行真係好難。我聽完好平靜，以前我會好驚，想放棄（而事實上我有好多project都是自然死亡的），但現在我會開心，覺得越難就越值得做，越應該堅持下去——（男人除外）——我覺得這就是可貴的成長吧👵🏻
Search